Газа секторында Израиль геноциді
Газада Израиль шабуылдарынан қаза тапқандар саны 43 мың 391-ге жетті.
Газа секторында Израиль шабуылдарынан қаза тапқандар саны 43 мың 391-ге жетті.
Палестина Денсаулық сақтау министрлігі жасаған мәлімдемеде Израильдің соңғы 24 сағатта жасаған 3 шабуылында 17 палестиналықтың қаза тапқаны, 86 палестиналықтың да жарақат алғаны хабарланды. Израильдің 2023 жылдың 7 қазанынан бері жасаған шабуылдарында жалпы қаза тапқандардың 43 мың 391-ге, жараланғандар санының 102 мың 347-ге жеткені айтылды.
Дүниежүзілік денсаулық сақтау ұйымының (ДДСҰ) Палестина өкілі Рик Пиперкорн Газадан 100-ден астам науқастың, соның ішінде балалардың эвакуацияланатынын хабарлады. Пиперкорн 12 мың адамның эвакуациялауды күтуде екенін айтты. Палестина өкілі эвакуацияланған науқастардың бір бөлігі Біріккен Араб Әмірліктеріне, қалғаны Румынияға баратынын мәлімдеді.
Газа Азаматтық қорғаныс ұйымы Израиль күштері көмектердің кіруіне кедергі жасағандықтан Газаның солтүстік бөлігінің ашаршылықпен бетпе-бет келгенін ескертті. Израиль күштерінің Газаның солтүстігіндегі халыққа қысым жасау мақсатында гуманитарлық және медициналық қызметтерді 14 күн бойы үзуді жалғастырғаны айтылды.
