Өздігінен 11 минут ұшып, артынан құлады
АҚШ-та F-35 ұшағы құлады.
Америка Құрама Штаттары (АҚШ) Теңіз жаяу әскерлерінің F-35 жойғыш ұшағы ауада шамамен 11 минут бойы ұшқаннан кейін апатқа ұшырады.
Шамамен 100 миллион долларлық ұшақтың құлауына «ұшқыш қателігі» себеп болғаны айтылды.
Оқиға 2023 жылдың 17 қыркүйегінде қатты жаңбыр кезінде болған.
Ұшқыш электр ақауы мен экрандағы ақауларға байланысты ұшақтан секіріп кетті. Ал F-35 автоматты ұшуды басқару жүйесі арқасында шамамен 11 минут бойы 112 километр қашықтықта өздігінен ұшуды жалғастырды.
Ұшақтан секіргеннен кейін ұшқыш бір үйдің бақшасына келіп қонып, 911 нөміріне хабарласып, ұшып жүрген ұшақ туралы хабарлады.
Ұшақтың құлаған жерінің Оңтүстік Каролинадағы Хеммингуэй маңындағы орман екені келесі күні анықталды.
F-35-тің өздігінен ұшуды жалғастыруында автоматты ұшуды басқару жүйелерінің белсенді рөл атқарғаны баса айтылды.
