Израиль пейджерлерді жарып жіберді

Израильдің Ливанда пейджерлерді жарып жіберуі салдарынан көптеген адамның жарақат алғаны хабарланды.

Ливанның ресми ақпарат агенттігі NNA-дың хабарлауынша Израильдің пейджер құрылғыларына енуі салдарынан көптеген ливандық жарақат алды.

NNA-ның хабарында «Бейруттың оңтүстік шетінде және Ливанның көптеген аймақтарында бұрын-соңды болмаған дұшпандық оқиғасы орын алды. Пейджер жүйелері жоғары технология арқылы жарылды және көптеген жаралы бар екені анықталды. Жараланғандар ауруханаға жеткізілді» делінді.

Ливанда кейбір пейджер иелері белбеуіне киіп жүрген кезде жарылған сәттер әлеуметтік желіде көрініс тапты.

Көріністерде құрылғыларға сигнал келіп, адамдар қолына алған сәтте жарылғаны байқалады.

Жаралылардың көпшілігі Хизбулла мүшесі екені атап көрсетілді.