БҰҰ-нан Эзги үшін тергеу шақыруы

Біріккен Ұлттар Ұйымы (БҰҰ) Адам құқықтары кеңсесінің баспасөз хатшысы Равина Шамдасани басқыншылық астындағы Батыс Шерияда Израиль әскерлерінің АҚШ пен түрік азаматы активист Айшенур Эзги Эйгинің өлтірілуіне қатысты тәуелсіз тергеу жүргізуге шақырды.

Шамдасани 6 қыркүйек күні Эйгинің Батыс Шерияда Израиль әскері атқан оқ басына тиіп қайтыс болуына қатысты тергеу шақыруы жасады.

Біріккен Ұлттар Ұйымы Адам құқықтары кеңсесінің 26 жасар Эйгинің Батыс Шерияда бейбіт түрде шеруге қатысқан кезінде оқ тигенін айтқан Шамдасани «(Эйги) Израиль күштеріне жақын қауіп төндірмеді. Эйги – Батыс Шериядағы бейбіт шерушілер мен басқа палестиналықтарға қарсы қолданылған жүйелі түрде өлтіретін күштің көрінісі болды» деді.

Шамдасани 6 қыркүйекте Израиль әскерлерінің 13 жасар палестиналық бір қызды да өлтіргенін еске салып «Оның (Эйги) өлтірілуіне және Батыс Шериядағы барлық заңсыз өлтіру әрекеттеріне тәуелсіз бір тергеу жүргізу керек» деді.

Шамдасани Эйгинің жағдайының өте қайғылы екеніне тоқталып, сонымен бірге мұның жеке оқиға емес екенін айтты.

Айшенур Эзги Эйги палестиналықтардың құқықтарын қолдайтын ынтымақтастық қозғалысына белсенді түрде қатысты.

Израиль әскерлері 6 қыркүйекте оккупацияланған Батыс Шерияда израильдіктердің палестиналықтардың басып алған жерлерін кеңейтуіне қарсы бейбіт шеру кезінде қатысушыларға оқ жаудырды.

Палестиналықтарға қолдау мақсатымен шеруге қатысқан және АҚШ азаматтығы да бар Эйги басынан оқ тиіп, ауыр жараланды. Палестина ауруханасына жеткізілген Эйги кейін қайтыс болды.