2,2 миллион адам көмекке мұқтаж

Біріккен Ұлттар Ұйымының (БҰҰ) Дүниежүзілік азық-түлік бағдарламасы  Израиль аштық пен шөлге мәжбүрлеп, үлкен гуманитарлық апатқа ұшыратқан Газа секторындағы 2,2 миллион адамның әлі де шұғыл азық-түлік пен күнкөріс көмегіне мұқтаж екенін хабарлады.

БҰҰ Дүниежүзілік азық-түлік бағдарламасы Таяу Шығыс және Солтүстік Африка жөніндегі бөлімшесінің «X» әлеуметтік медиа платформасындағы жазбада Израильдің шабуылдарына ұшыраған Газа секторындағы 2,2 миллион адамның әлі де шұғыл азық-түлік пен күнкөріс көмегіне мұқтаж екені айтылды.

Хабарламада Израильдің «эвакуация бұйрықтары» Дүниежүзілік азық-түлік бағдарламасының көмек жеткізу күш-жігеріне де кедергі келтіргені және көмекке мұқтаждықтың артқанына назар аударылып, «(Газада) атысты тоқтату керек» деп атап көрсетілді.