Газада екпе науқанының екінші кезеңі бүгін басталады

Газа секторында полиомиелитке қарсы екпе науқанының екінші кезеңі бүгін басталады.

Газа секторындағы Палестина Денсаулық сақтау министрлігі жариялаған хабарламада Газадағы полиомиелитке қарсы екпе науқанының бірінші кезеңінің кеше 189 мың 551 балаға екпе салумен аяқталғаны атап көрсетілді.

Мәлімдемеде бірінші кезеңнің Газа секторының орталық бөліктерін қамтитыны және вакцинацияның осы аймақтағы 4 бөлек денсаулық орталығында науқан кезеңінде жалғасатыны баса айтылды.

Мәлімдемеде полиомиелитке қарсы екпе науқанының екінші кезеңі бүгін басталатыны және науқанның Газа секторының оңтүстігіндегі Хан Юнус және Рефах қалаларын қамтитынына назар аударылды.

Израиль шабуылдары жалғасып жатқан Газа секторының оңтүстігіндегі Хан Юнус қаласында 10 жасқа дейінгі балаларға полиомиелитке қарсы екпе науқаны 31 тамыз күні кешке басталған еді.

Дүниежүзілік денсаулық сақтау ұйымының (ДДСҰ) Палестина өкілі Рик Пиперкорн полиомиелитке қарсы вакцинация науқанының «екі кезеңде» болатынын мәлімдеген болатын.

Палестина Денсаулық сақтау министрлігі 16 тамызда Газа секторында полиомиелиттің алғашқы оқиғасының анықталғанын хабарлаған болатын.