Израильдің Ливанға жасаған шабуылдарында 2 адам қаза тапты

Израильдің Ливанның оңтүстігіндегі шекаралас ан-Накура ауданына барар жолда бір көлікке жасаған әуе шабуылынан 2 адам қаза тапты.

Ливан Денсаулық сақтау министрлігінен жасалған жазбаша мәлімдемеде «Дұшпан Израильдің Накура қаласында бір көлікке жасаған әуе шабуылында екі адам шәйіт болды» делінді.

Ливанның ресми ақпарат агенттігі «NNA»-ның хабарына қарағанда пилотсыз ұшақтың ан-Накура жолында келе жатқан көлікті нысанаға алғаны айтылған болатын.

Израиль қоғамдық хабар тарату мекемесі «KAN»-ның хабарына қарағанда Ливаннан атылған танкке қарсы зымыранмен Израильдің Жоғары Желиле аймағындағы Авивим елді-мекенінде бір үйдің атылғаны білдірілді.

Хабарда аталмыш тұрғын ауданда ауыр материалдық шығын болғаны атап өтілді.

Израильдің 12-канал телеарнасының хабарына қарағанда Израильдің солтүстігіндегі көптеген елді мекендерге Ливаннан көптеген зымыран атылғаны айтылды.