Әл-Кассам күштері Израиль әскерлеріне операция жасады

Палестиналық Азаттық қозғалысы «Хамас»-тың әскери қанаты Иззеттин әл-Кассам бригадасы Газа секторының әртүрлі аймақтарына басып кірген Израиль әскерлеріне қарсы бірқатар операция жүргізілгенін жариялады.

Кассам бригадалары Рафах қаласының батысындағы Тель-эс-Сұлтан аумағында бұрын израильдік сарбаздары тарапынан бомба орналастырылған 3 туннель кіреберісін жарып жіберді.

Әл-Кассам тағы бір мәлімдемесінде Израиль армиясына тиесілі екі Меркава танкінен бірінің «Ясин-105» зымыранымен, екіншісінің жерге қойылған жарылғыш затпен жойылғанын хабарлады.

Исламдық жиһад қозғалысының әскери қанаты «Қудс Серия» күшімен жүргізілген бірлескен операцияда Хан Юнис қаласында орналасқан бір топ израильдік әскердің минометпен атылғаны хабарланды.

Израиль аталмыш мәлімдемелерге қатысты әлі жауап қайтармады.

Кассам бригадалары кеше Тель-Авив қаласы мен төңірегіне екі зымыранмен шабуыл жасалғанын хабарлады.