Тағы 35 палестиналық қаза тапты

Израиль армиясының кеше Газа секторының түрлі жерлеріне жасаған әуе шабуылында 35 палестиналықтың қаза тапқаны және көптеген адамның жарақат алғаны білдірілді.

Израиль армиясы Газаның солтүстігінде, орталық бөлігінде және оңтүстігінде көптеген әуе соққыларын жасады.

Газадағы денсаулық көздерінен алынған мәліметке қарағанда қаланың оңтүстік-шығысындағы Аз-Зейтун ауданындағы Бадр мешіті маңындағы шабуылда 6 палестиналық, Әбу Хасира көшесіндегі бір үйге жасалған шабуылда 2 палестиналық қаза тапты.

Газа секторының орталық бөлігіндегі Бурайж босқындар лагеріне жасалған шабуылда 2 адам қаза тауып, 7 палестиналық жарақат алды.

Газа секторының орталық бөлігіндегі Нусейрат босқындар лагерінің солтүстік-батысында жараланып, Дейр әл-Белах қаласындағы Ақса шейіттері ауруханасында емделіп жатқан жас жігіт те қайтыс болды.

Газаның оңтүстігіндегі Хан Юнус қаласында Израиль армиясының әуе шабуылынан 24 палестиналық қаза тапты.