Израильдің Газаға шабуылдары жалғасуда
Зейтун мен Тель-эль-Хава аудандары Израиль артиллериясының нысанасы болды.
Израиль армиясы Газа секторының көптеген жерлеріне құрлық, әуе және теңіз шабуылдарын 306-шы күнінде жалғастырып жатқанда, қаза тапқандар мен жараланғандар болғаны хабарланды.
Палестинаның «WAFA» ресми агенттігінің хабарына қарағанда Израиль әскері Газаның шығысындағы Туффах ауданында бір үйді бомбалады. Шабуылдан бір бала және бір әйел үш адам қаза тапты.
Израиль әскери көліктері Газа секторының орталық бөлігіндегі Бурайж босқындар лагерінің шығысындағы палестиналықтардың үйлеріне оқ жаудырды. Шабуылдар салдарынан жарақат алған палестиналықтар Дейр әл-Белах қаласындағы Ақса шейіттері ауруханасына жеткізілді.
Зейтун мен Тель-эль-Хава аудандары Израиль артиллериясының нысанасы болды. Газа секторының оңтүстігіндегі Хан Юнус пен орталық бөлігіндегі Дейр әл-Балах қаласын да Израиль әскери ұшақтары бомбалады.
Газаның солтүстігіндегі Бейт-Лахия қаласының шығысындағы шейх Заид ғимараттарының айналасы мен Рафах қаласының батысындағы аймақтар да түні бойы бомбаланды.
