Ханияның өлтірілуіне қатысты әлі ешкім ұсталған жоқ

Иранның Сот органының баспасөз хатшысы Асгар Джихангир Хамас саяси бюросының төрағасы Исмаил Ханияның өлтірілуіне қатысты әлі ешкімнің ұсталмағанын айтты.

Иран мемлекеттік телеарнасының хабарлауынша, Джахангир ел астанасы Тегеранда өткізген баспасөз мәслихатында Ханияның өлтірілуіне байланысты сот процесі туралы мәлімдеме жасады.

Джихангир «Кейбір газеттер мен әлеуметтік медиа сайттарында ұсталғандар болды деген қауесет бар. Бұл іске қатысты әлі ешкім ұсталған жоқ» деді.

Әскери прокуратураның оқиғадан кейін Қарулы күштер сот органы басшысының нұсқауымен дереу тергеу бастағанын білдірген ирандық лауазым иелері  тергеулер аяқталғаннан кейін мәлімдеме жасалатынын атап көрсетті.

31 шілдеде Иран астанасы Тегеранда Хамас саяси бюросының басшысы Хания өлтірілген еді.