Газада 39 мың 550 адам ажал құшты

Израиль армиясының 2023 жылдың 7 қазанынан бері Газа секторына жасаған шабуылдарында қаза тапқандар саны 39 мың 550-ге артты.

Газадағы Палестина Денсаулық сақтау министрлігінен жасалған мәлімдемеде Израильдің Газа секторына 302 күндік шабуылдары туралы ақпарат берілді.

Мәлімдемеде Израиль армиясының соңғы 24 сағатта Газаның әртүрлі аймақтарына жасаған шабуылында 3 қырғын жасағаны, шабуылдарда тағы 31 палестиналықтың қаза тапқаны және 62 палестиналықтың жараланғаны атап көрсетілді

Мәлімдемеде Израильдің 7 қазаннан бері Газа секторына жасаған шабуылдарында қаза тапқандар санының 39 мың 550-ге, жараланғандар санының 91 мың 280-ге жеткені білдірілді.