Бразилиядағы сел апатында 158 адам қаза тапты

Бразилияда толассыз жауған жаңбыр салдарынан болған су тасқынынан қаза тапқандар саны 158-ге жетті.

Елдің оңтүстігіндегі Рио-Гранде-ду-Сул штатында 2 аптадан бері жалғасқан жаңбыр салдарынан туындаған су тасқыны салдарынан адам мен мал шығыны артып келеді.

Мемлекеттік Азаматтық қорғаныс қызметі жасаған мәлімдемеде қаза болғандар саны 158, хабарсыз кеткендер саны 88 деп жаңартылды.

Мәлімдемеде су тасқынынан зардап шеккендер санының 2 миллион 300 мыңнан асқаны, апат аймақтарынан 82 мың 666 адамның құтқарылғаны айтылды.

30 мыңға жуық адаммен іздеу-құтқару жұмыстарының жалғасқаны білдірілді.

Азаматтық авиация агенттігінің (ANAC) соңғы мәлімдемесіне қарағанда, жаңбыр аптаның соңына дейін жалғасады.