Джейкоб Ротшильд 87 жасында дүниеден өтті
Ротшильдтер отбасы жерлеу рәсім еврей дәстүріне сәйкес өтетінін, ал кейінірек еске алу кеші болатынын жариялады.
Саясаттан бизнеске дейін көптеген салада белсенділік танытқан британдық Ротшильдтер отбасының 4 ұрпақ көшбасшысы Джейкоб Ротшильд 87 жасында дүниеден өтті.
Ротшильдтер отбасы жерлеу рәсім еврей дәстүріне сәйкес өтетінін, ал кейінірек еске алу кеші болатынын жариялады.
Ротшильд қоры сондай-ақ Джейкоб Ротшильдтің қызы Ханна Мэри Ротшильдтің қор президенті қызметін атқаратынын хабарлады.
1936 жылы Англияда дүниеге келген Ротшильд елдегі жетекші мектептердің бірі саналатын Этон колледжі мен Оксфорд университетінде білімін аяқтап, бизнес өмірін отбасылық кәсібі болған банк саласында бастады.
Көптеген қаржылық компания мен активтерді басқару серіктіктерінің негізін қалаушы және менеджері Ротшильд сонымен қатар әлемнің жетекші өнер топтамалары қойылған Англия астанасы Лондондағы Ұлттық галереяның директорлар кеңесінің төрағасы болды.
1991-1999 жылдар аралығында Британ парламентінің жоғарғы Лордтар палатасының мүшесі болған Ротшильд «Ротшильдтің 4-ші бароны» атағын алған.
Бұл атақты енді Джейкоб Ротшильдтің ұлы Натаниэль Филип Ротшильд алады.
