Боко Харамға қарсы операция

Нигерия армиясы елдің солтүстік-шығысында террор ұйымы Боко Харамға қарсы әуе операциясында ондаған террористті залалсыздандырды.

Нигерия Әскери-әуе күштері  баспасөз хатшысы Эдвард Габквет елдің солтүстік-шығысындағы Борно штатында Боко Харамға қарсы әуе операциясы жүргізілгенін мәлімдеді.

Габквет операция барысында Боко Харам мүшелері орналасқан лагерьлердің жойылғанын және ондаған террористтің өлтірілгенін мәлімдеді.

Нигерияда 2000-шы жылдары құрылған «Боко Харам» ұйымы 2009 жылдан бері жаппай зорлық-зомбылық әрекеттерінде мыңдаған адамды өлтірді.

Ұйым 2015 жылдан бері елдің шекаралас көршілері Камерун, Чад және Нигерде де шабуылдар жасап келеді.