Қарулы шабуылдар артты
Сарапшылар АҚШ-тағы шабуылдардың көбеюінің басты себебі елдегі қаруланудың артуы деп есептейді.
Америка Құрама Штаттарында (АҚШ) жыл басынан бері 28 шабуылда барлығы 140 адам қаза тапты.
«Associated Press» (AP) және «USA Today» агенттігі «Northeastern» университетімен бірлесіп жүргізген зерттеу деректеріне сәйкес, Америка Құрама Штаттарында 1 қаңтардан 30 маусымға дейін 28 шабуыл болды, олардың біреуінде ғана қару қолданылмады.
Аталған кезеңде шабуылдарда 140 адам қаза болды. Бұл кезең 2006 жылдан бері алғашқы алты айда ең көп шабуыл жасалған мерзім болды.
Сарапшылар АҚШ-тағы шабуылдардың көбеюінің басты себебі елдегі қаруланудың артуы деп есептейді.
АҚШ президенті Джо Байден 27 наурызда Теннесси штатындағы бастауыш мектепте алты адамның, оның ішінде үш баланың өмірін қиған атыстан кейін мәлімдеме жасап, қару-жарақ ережелерін реформалауға шақырған еді.
Аталмыш реформа жартылай автоматтар сияқты шабуыл қаруына тыйым салуды және қару-жарақ сатуға қатысты соттылықты жан-жақты тексеруді қамтиды.
Елде 4 шілде Тәуелсіздік күнін тойлау аптасы кезінде әртүрлі штаттарда болған қарулы шабуылдарда барлығы 15 адам қаза тапты.
