АҚШ-та көптеген рейс кешікті
АҚШ-та 4 шілде Тәуелсіздік күні мерекесіне байланысты сапарға шыққан мыңдаған жолаушы әуежайларда қалды, 4 мың 165 рейс кешіктіріліп, 131 рейс тоқтатылды.
Америка Құрама Штаттарындағы (АҚШ) ауа райының қолайсыздығына байланысты 4 мыңнан астам ішкі және халықаралық рейс кейінге қалдырылды.
"Flight Aware" рейсін бақылау сайтының хабарлауына қарағанда 4 шілде Тәуелсіздік күні мерекесіне байланысты сапарға шыққан мыңдаған жолаушы әуежайларда қалды, 4 мың 165 рейс кешіктіріліп, 131 рейс тоқтатылды.
АҚШ-тың шығыс жағында дауыл әсер етсе, елдің батысы мен оңтүстігі маусымдық нормадан жоғары температурамен күресуде.
Сонымен бірге Ұлттық Метеорология басқармасы таратқан ақпаратта елдің солтүстік-шығысында ауа райының күрт нашарлайтыны, Оңтүстік Каролина, Нью-Джерси және Нью-Йорктің кейбір жерлерінде қатты жел, дауыл және бұршақ жауатыны межеленіп отыр.
АҚШ-тың орта-батыс аймағындағы 150 мыңнан астам адам демалыс күндері ауа райының қолайсыздығынан электрсіз қалды.
