Сиси Зеленскиймен сөйлесті
Әңгіме барысында жаһандық азық-түлік қауіпсіздігі, сондай-ақ Украинадағы гуманитарлық мәселелер талқыланды.
Мысыр президенті Әбдул Фаттах Әс-Сиси мен Украина президенті Владимир Зеленский Украинадағы соңғы оқиғаларды және жаһандық азық-түлік қауіпсіздігіндегі дағдарысты талқылады.
Мысыр президенттігінің жазбаша мәлімдемесіне қарағанда Сиси Зеленскиймен телефон арқылы сөйлесті.
Әңгіме барысында жаһандық азық-түлік қауіпсіздігі саласындағы оқиғалар, сондай-ақ Украинадағы гуманитарлық мәселелер талқыланды.
Диалог пен дипломатиялық шешімге басымдық беру керектігін атап көрсеткен Сиси бір жылдан бері жалғасып келе жатқан Ресей-Украина дағдарысының саяси шешімін жеделдету үшін барлық күш-жігерге келіссөздер арқылы қолдау көрсетілетінін айтты.
Дүние жүзіндегі көптеген халықтың, әсіресе Африканың азық-түлік дағдарысынан зардап шегіп жатқанын тілге тиек еткен екі басшы астық экспорты туралы келісімді ұзарту бойынша жүргізіліп жатқан жұмыстарды талқылады.
Өзінің бидай қажеттілігінің 80 пайызын импорттайтын Мысыр - әлемдегі ең көп бидай импорттайтын ел.
Ауыл шаруашылығы министрлігінің мәліметі бойынша, өткен жылы 13,3 миллион тонна бидай импорттаған Мысырдың ең үлкен жеткізушісі 8,96 миллион тоннамен Ресей болды.
Ұқсас жаңалықтар
Ресей Қорғаныс министрінің орынбасары тұтқындалды
Ресей Қорғаныс министрінің орынбасары Тимур Иванов «жемқорлықпен күрес» аясында ұсталды.
Ямайка Палестинаны мемлекет ретінде мойындады
Министрлер кеңесі Палестинаны мемлекет ретінде ресми түрде тануға шешім қабылдады.