Вьетнам басшысы қызметтен кетті

Вьетнам мемлекет басшысы Нгуен Суан Фук қызметінен кетті.

«VnExpress» жаңалықтарына сәйкес, Вьетнам Коммунистік партиясы Фуктың отставкаға кету туралы өтінішін қабылдап, президенттік өкілеттігін, 2021-2026 жылдардағы Ұлттық қорғаныс және қауіпсіздік кеңесінің төрағалығын, саяси бюро мен партия комитетінің мүшелігін тоқтатты.

Партия жасаған мәлімдемеде Фуктың қызметінен кетуге және зейнетке шығуға шешім қабылдағаны және партияның ережелер мен заңдарды ескере отырып, отставканы қабылдағаны айтылды.