Ресей жапон консулды ұстап алды
Тацунори «персона нон грата» деп жарияланды.
1884893
Ресейдің Федералдық қауіпсіздік қызметі ФСБ Жапонияның Владивостоктағы консулы Мотоки Тацунориді «шектеулі ақпарат таратқаны үшін» ұстады.
ФСБ мәлімдемесінде «Жапонияның Владивостоктағы консулы Мотоки Тацунори Ресейдің Азия-Тынық мұхитындағы бір елмен ынтымақтастығы және батыстың санкциялық саясатының Приморск аймағындағы экономикалық жағдайға әсері туралы шектеулі ақпаратты ақшаға айырбастап алу кезінде ұсталды» деп айтылды.
Ресей Жапония елшілігіне оқиғаға байланысты наразылық нотасын жіберді. Сонымен бірге Тацунори «дипломатиялық мәртебесіне жатпайтын әрекет жасады» деген себеппен «персона нон грата» деп жарияланды.
