Бангладештегі қайық апатында 24 адам мерт болды
Лауазымдылар оқиғада 24 адамның қаза тапқанын, кемінде 30 адамның жоғалғанын хабарлады.
Бангладештің Панчагарх аймағындағы Каратоя өзенінде қайықтың батып кетуі салдарынан 24 адам қаза тауып, 30 адам із-түзсіз жоғалып кетті.
Панчагарх полициясының басшылары Дурга Пуджа фестивалі аясында Маялайя күніне арналған іс-шараға Бадхешвар ғибадатханасына бара жатқандарды тасымалдаған қайық Каратоя өзенінде аударылғанын айтты.
Лауазымдылардың хабарлауынша қайықта әйелдер мен балаларды қамтыған 60-70 жолаушы болған.
Қайықтың Қаратояның орта бөліктеріне келгенде суға батқанын айтқан лауазымдылар оқиғада 24 адамның қаза тапқанын, кемінде 30 адамның жоғалғанын хабарлады.
Лауазым иелері жоғалғандарды іздестіру-құтқару жұмыстары мен қаза тапқандарды анықтау жұмыстарының жалғасып жатқанын білдірді.
Бангладеште хабар таратқан кейбір ақпарат сайттары қайықта 100-ден астам жолаушы болғанын және олардың кемінде 70-інің құтқарылып, аймақтағы ауруханаларға жеткізілгенін хабарлады.
Ұқсас жаңалықтар
PKK жақтастары Францияда шиеленіс тудырды
Ұлттық баспасөз PKK жақтастары себеп болған оқиғада 3 адамның жарақат алғанын хабарлады.
Дмитрий Кулеба Мәскеу шабуылы туралы мәлімдеді
Украина Сыртқы істер министрі Варшавада өткен онлайн жиналыста мәлімдеме жасады.