Жұма күнді демалыс деп жариялады
Министрлер аптасына 4 күн жұмыс істеу туралы ұсынысты қабылдады.
Шри-Ланкада жұма күндері демалыс деп жарияланды.
«ANI News» агенттігінің хабарлауынша, Шри-Ланка үкіметі өндірісті ұлғайту мақсатында халықты ауыл шаруашылығында жұмыс істеуге ынталандыру үшін жұма күндерін демалыс деп жариялау туралы ұсынысты мақұлдады.
Министрлер аптасына 4 күн жұмыс істеу және шетелде жұмыс істеу мақсатында көшуді қалайтындар үшін 5 жыл ақысыз демалыс беру туралы екі ұсынысты қабылдады.
«Үш күндік демалысы бар бюджеттік сала қызметкерлері елдегі өндірісті ұлғайту үшін ауыл шаруашылығы жұмыстарына ынталандырылады», - делінген министрлер кабинетінің хабарламасында.
Тарихындағы ең үлкен экономикалық дағдарыспен бетпе-бет қалған Шри-Ланкада халық наурыз айының соңында күніне 13 сағат электр қуаты үзілгендіктен наразылық шерулеріне шыға бастады. 9 мамырда премьер-министр кеңсесі маңына жиналған демонстранттар мен үкімет жақтастары арасында қақтығыс болды.
Оппозиция қысымы күшейіп, премьер-министр Махинда Раджапакса 9 мамырда отставкаға кетті. Премьер-министрдің отставкаға кетуіне байланысты министрлер кабинеті де таратылды.
Шри-Ланка президенті Готабая Раджапакса 12 мамырда Ранил Викрмесингхені премьер-министр ретінде тағайындады. Викрмесингхе бұған дейін үш мерзім премьер-министр қызметін атқарған.
Зорлық-зомбылықтан кейін бүкіл елде коменданттық сағат жарияланып, үкімет наразылықтар кезінде қоғамдық мүлікке немесе басқаларға зиян келтірген кез келген адамды атып тастауды бұйырған еді.
Елге тараған 8 адам қаза тауып, 250 адам жараланды.
Ұқсас жаңалықтар
Соңғы 24 сағатта 71 адам қаза тапты
Израильдің 7 қазан күнінен бергі шабуылдарында қаза тапқандар саны 32 мың 623-ке жетті.