Германияда мыңдаған адам Украинадағы соғысты протест етті
Германияның бас қаласы Берлинде мыңдаған адам Украинадағы соғысқа наразылық білдірді.
Украиналық әртүрлі топтарының шақыруымен мыңдаған адам Ресейдің Украинаға қарсы 24 ақпан күні бастаған соғысына наразылық білдіру үшін Германия Федералдық Мәжілісі алдындағы алаңға жиналды.
Шерушілер қолдарында Украина байрақтарын ұстап «Соғысты тоқтатыңыз», «Үнсіздік- зомбылық», «Мәскеуге ақша жоқ», «Ашудың орнына эмбарго» және «Украинаны Еуроодаққа қабылдаңыз» деп жазылған плакаттар ұстады.
Наразылық шеруінде айтылған сөздер мен тасталған ұрандарда Германия мен Еуроодақ (ЕО) елдерінің Ресейге эмбарго енгізуі, Ресеймен газ және мұнай саудасын тоқтатуы талап етілді.
Кейбір шерушілер Украинадағы оқиғаларға назар аудару үшін беттеріне қызыл бояу жағып, қолдарын ақ лентамен байлады.
Шерушілер Украинаның әртүрлі аймақтарында қаза тапқандарды еске алу үшін наразылық шеруі өткен алаңда жерге жатты.
Ұқсас жаңалықтар
Израильде наразылықтар жалғасуда
Тель-Авивте кепілге алынғандардың отбасылары мен жақтастары қайтадан шеруге шықты.
Бейрут пен Тегеранға рейстер тоқтатылды
Авиакомпания бұған дейін Тегеран мен Бейрутқа рейстерін 18 сәуірге дейін тоқтатқан болатын.