Тунис президенті кейбір лауазымдыларды міндетінен босатты

Тунис президенті Кайс Саид кейбір жоғары лауазымды мемлекеттік қызметкерлерді қызметінен босатты.

Мемлекеттік Er-Raid бюллетенінде президент Саидтің жексенбі күнінен бері жалғасып келе жатқан мемлекеттік лауазымдыларды міндеттен босатуға қатысты жаңа шешімдер жариялануда.

Шешімдер аясында Премьер-министрлік кеңесінің директоры Әл-Муиз Лединиалла Әл-Мукаддем, Үкіметтің Бас хатшысы Валид эз-Зехеби, премьер-министрдің кеңесшілері Рашад бен Рамазан, Сешим эт-Тейсеви және Муфди әл-Маседи, Төңкеріс пен террорлық операция шейіттері мен ардагерлері комитетінің басшысы Абдурреззак әл-Кейлани қызметінен босатылды.

Сонымен қатар премьер-министрдің 8 кеңесшісі және сол кеңесте жұмыс істейтін 8 лауазымды да жұмыстан шығарылды.

Тунис Президенті Саид 26 шілде күні Премьер-министр, Қорғаныс және Әділет министрлерін міндеттен босату туралы шешім жариялаған болатын. Тунис премьер-министрі Хишам әл-Машиши шешімнен кейін жасаған мәлімдемесінде егер президент жаңа премьер-министр тағайындаған жағдайда халықтың қауіпсіздігі мен құқығын назарға алғаны үшін өз міндетінен кететіндігін білдірді.

Тунисте 25 шілде күні үкімет пен оппозициялық партияларға бағытталған жүздеген адамның қатысуымен наразылық акциясы өткен, шыққан оқиғаларда әсіресе Эннахда қозғалысынан бастап партия орталықтарына шабуылдар жасалған еді.

Президент Саид болса Мәжілістің барлық өкілеттіктерін тоқтатқанын, депутаттардың қолсұғылмау құқығын тоқтатқанын, қазіргі премьер-министр әл-Машишиді қызметінен босатып, атқарушы билікті өзі тағайындайтын бір премьер-министрмен бақылауға алатынын жариялады.

Үкіметке қарсы осы төңкеріс әрекетінің артынан әскерлер Тунис парламенті төрағасы мен «Эннахда» қозғалысы басшысы Рашид әл-Ганнуши және қасындағы депутаттарды парламентке кіргізбеген еді.