Түркия мен Ирак арасындағы сауда көлемін 30 миллиард долларға жеткізу жоспарланды
«Түркия-Ирак Экономикалық және Сауда Ортақ Комитетінің» 1-ші отырысы болып өтті.
Түркия мен Ирак арасындағы сауда көлемін 30 миллиард долларға жеткізу жоспарланды.
«Түркия-Ирак Экономикалық және Сауда Ортақ Комитетінің» 1-ші отырысында Түркия мен Ирак арасындағы сауда қарым-қатынастарынан өзара инвестицияларға, «Даму жолы» жобасы аясындағы ынтымақтастыққа дейін көптеген саланы қамтитын мәселелер талқыланды.
Сауда министрі Өмер Болат Стамбулдағы жиналыста сөйлеген сөзінде «Өткен жылы Иракқа 12,8 миллиард долларлық экспорт жасалды. Екі жақты сауда көлемі 20 миллиард долларға жетті. Екі ел басшысы президент Режеп Тайып Ердоғанның биыл сәуір айында Бағдадқа ұйымдастырған тарихи сапары кезінде екі ел арасында 30 миллиард долларлық сауда көлемін жоспарлаған болатын. Ирак Түркия ең көп жоба жүзеге асырған әлемдегі 3-ші ел болып табылады, осы елде бүгінге дейін шамамен 35 миллиард долларды құрайтын 1111 жоба орындалды» деді.
