Түркияның зергерлік бұйымдар экспорты артты

Түркияның зергерлік бұйымдар экспортының кірісі қаңтар-қазан кезеңінде өткен жылдың сәйкес кезеңімен салыстырғанда 7,8 пайыз артып, 6 миллиард 149 миллион 148 мың долларға жетті.

Қаңтар-қазан кезеңінде зергерлік бұйымдар секторы экспортының жалпы экспорттағы үлесі 2,8 пайыз болып есептелді.

Зергерлік бұйымдар саласында ең көп экспорт 2,1 миллиард долларлық табыспен Біріккен Араб Әмірліктеріне жасалған. Рейтингті 577,6 миллион доллармен АҚШ, 458,7 миллион доллармен Гонконг, 420,3 миллион доллармен Ирак, 256,1 миллион доллармен Мексика жалғастырады.