Түркия мен Катар арасындағы сауда көлемі артты

Сауда министрі Өмер Болат Катардың Түркияға салған инвестициясының 20 миллиард доллардан асқанын айтты.

Сауда министрлігінің координациясымен Түркия экспортшылар мәжілісі тарапынан ұйымдастырылған Түркия-Катар сауда делегациясы және екіжақты кездесулері Катардың астанасы Дохада өтті.

Кездесудің ашылуында сөз сөйлеген Болат «EXPO Доха 2023» жәрмеңкесі мен Түркия павильонының ашылуына орай Катарға үлкен делегациямен келгендерін айтты.

Түркия мен Катардың тек дос, көрші және бауырлас ел ғана емес, сонымен қатар стратегиялық серіктес екенін түсіндірген Болат екі ел арасында жақында қол қойылған сауда келісімдерімен сауда көлемінің арта түсетінін айтты.