«Астория Гранде» кемесі Амасраға тоқтады
Ресейдің Сочи қаласынан шыққан «Астория Гранде» круиздік кемесі 553 жолаушы және 389 экипажымен Амасра портына келді.
Ресейдің Сочи қаласынан аттанған «Астория Гранде» круиздік кемесі Амасра портына келіп тоқтады.
Синоптан кейін 553 жолаушы және 389 экипажымен Бартынның Амасра ауданына келген Панама туы бар кемені аудан әкімі Кадир Перчи, қала бастығы Речай Чакыр және басқа да лауазымдылар қарсы алды.
Процедуралары аяқталған туристерге порттан шыға берісте орыс тілінде жазылған брошюралар таратылды. Одан әрі туристер порттан шығып, аудандағы тарихи және туристік орындарды тамашалады.
Амасра мұражайы, Чекичилер базары, Үлкен айлақ, Амасра сарайы және Кемере көпірінде уақыт өткізген туристердің бір бөлігі ЮНЕСКО-ның Дүниежүзілік мұралар тізіміне енген тарихи үйлерімен әйгілі Карабүктің Сафранболу ауданын тамашалады.
«Астория Гранде» круиздік кемесінің Стамбулға кешкі уақытта жолға шығатыны білдірілді.
«Астория Гранде» өткен жылы тарихи аудан Амасраға 9 мәрте келген және 5183 ресейлік турист қаланы тамашалаған болатын. Панама жалауы бар кеме 2023 жылы 18 қаңтардағы алғашқы сапарында 385 турист және 283 экипажбен келген болатын.
Ұқсас жаңалықтар
Түркияға сегіз айда 36 миллион 754 мың 146 турист келді
Түркия жылдың 8 айында 36 миллион 754 мың 146 туристті қабылдады.
Түркияның шай экспорты артты
Түркиядан қаңтар-тамыз айларында шай экспорты 18 миллион 493 мың долларға жетті.
