Қытай «даму жолындағы ел» мәртебесінен шығарылды

Америка Құрама Штаттарының (АҚШ) Өкілдер палатасында Қытайды «даму жолындағы ел» мәртебесінен шығаруды көздейтін заң жобасы қабылданды.

Өкілдер палатасының депутаттары Қытайды «даму жолындағы ел» мәртебесіне жатқызуды тоқтатуды көздейтін заң жобасына дауыс берді.

Екі партияның да қолдауына ие болған заң жобасы бірауыздан қабылданды.

 «Қытай даму жолындағы ел емес» деп аталатын заң жобасы АҚШ мемлекеттік хатшысын Қытайды «даму жолындағы ел» мәртебесіне жатқызбау үшін шаралар қабылдауға шақыруда.

Заң жобасы Қытайдың «даму жолындағы ел» мәртебесінің арқасында қолданатын жеңілдік режимі мен көмегіне тосқауыл қоюды және оны «даму жолындағы» елден «орташа кірісті ел» немесе «дамыған ел» мәртебесіне ауыстыруды қарастырады.

«Даму жолындағы елдерге» халықаралық ұйымдар тарапынан кейбір ынталандыру мен әртүрлі жеңілдік берілуі мүмкін.

Мысалы Дүниежүзілік сауда ұйымы бұл елдердің сауда мүмкіндіктерін арттыру үшін арнайы жеңілдік береді.