Түркияның батерея мен аккумулятор өндірісіндегі жағдайы қандай?

Тұрмыстық техникадан көлікке, компьютерден ұялы телефонға дейін электр қуатымен жұмыс істейтін құралдар мен құрылғылардың саны күн санап артып келеді.

Осы себепті аккумулятор мен батарея технологиялары елдер үшін «маңызды технология» болып саналады.

Қазіргі уақытта әлем бойынша аккумулятордың өндірістік қуаты 2,6 ТВт/сағатты  (TWh) құрайды. 2030 жылға қарай бұл көрсеткіш өсіп, 3,5 есеге, яғни 9 ТВтсағ-қа жетеді деп күтілуде.

Осы себепті Түркия осы маңызды өнім түріне инвестицияларды қолдайды. Алдымен электромобильдерде қолдану мақсатты Гемликте аккумулятор зауыты құрылды. Анадолының әртүрлі қалаларында аккумулятор мен батарея өндірісіне үлкен мән беріледі. Сондай-ақ жаңа аккумулятор зауыттарын құруға болады. Дәл осы себепті Түркия 25-26 қыркүйекте маңызды бір шара ретінде «Батарея технологиялары саммитін» өткізеді.

Президенттік инвестиция кеңсесінің «стратегиялық серіктестігі» аясында Батарея өндірушілері мен жеткізушілері қауымдастығы ұйымдастырған «Батарея технологиялары саммиті» Гебзедегі IT алқабында өтеді.

Саммитте аккумулятор мен батарея технологиялары саласында отандық және шетелден 32 сарапшы 750-ге жуық қатысушымен бірге келеді.

Іс-шарада шикізат процестерінен ұяшықтарды өндіру әдістеріне, ерекше батарея қолданбаларынан тұрақты қалдықтар стратегияларына дейін батарея экожүйесінің әрбір кезеңі талқыланады.

Жаңашыл көзқарастарды бөлісу, соңғы технологиялық жаңалықтары мен халықаралық перспективаларды Түркияға жеткізу мақсатында ұйымдастырылған «Батарея технологиялары саммитінде» Түркияға қоса, 12 елдің қатысушыларымен екі күн бойы энергетика күн тәртібі талқыланады.

PİLDER төрағасы Кадем Уста тақырыппен байланысты Анадолу агенттігіне берген сұхбатында энергияны сақтау технологияларын «энергиядағы ойын өзгертуші» деп атады.

Уста саммиттің Түркияда батарея экожүйесінің мықты түрде қалыптасуына үлкен үлес қосатынына сенетіндерін атап көрсетті.

Уста «Батарея технологиялары әлемдегі тұрақты энергетика өзгерісінің маңызды бөлігіне айналды. Батарея және аккумулятор өнеркәсібі өте серпінді сала ретінде тез дамып келеді. Еліміздегі өсіп келе жатқан сұранысқа қоса, «Үлкен жетілік елдері» 2030 жылға қарай қол жеткізуді көздейтін 1500 ГВт жаңа жаһандық энергияны сақтау мақсаты да секторымыз үшін маңызды мүмкіндік береді. Біз осы саладағы әлемдік нарықта тиімдірек бола отырып, еліміздің экономикасына үлкен үлес қоса аламыз, сондықтан біз аккумулятор және батереялық технологияларда өндірістік база болуды көздеп әрекет етеміз» деді.

Кадем Уста 2022 жылы 573 миллион доллардан асатын литий-ионды батерея мен аккумулятор импортының 2023 жылы 1,06 миллиард долларға дейін айтарлықтай өскенін еске салды.

Түркиядағы аккумулятор өндірісінің экожүйесінде елеулі өзгерістерді байқағандарын айтқан Уста «Қазіргі уақытта 2 ұяшық өндірісі белсенді жұмыс істеп тұр. Инвестициялық кезеңде қуаттылығы гигаватт сағаттан асатын 4 жаңа нысанмен бұл сан одан да артады. Еліміз 2030 жылға дейін 80 ГВт/сағ. өндірістік қуаттан асады деп болжап отырмыз» деді.

Т.Р. Энергия нарығын реттеу мекемесінің (EPDK) Сақтау энергиясы өндірісі лицензиялары мен электромобиль өндірісімен бірге Түркияның литий-ионды батереялары және аккумуляторларына деген сұранысының 2030 жылға қарай 10 миллиард доллардан асуы күтілуде.

Түркия 2022 жылы 10,5 миллион долларлық батерея экспортын 2023 жылы 39,7 миллион долларға дейін жеткізіп төрт есеге арттырды. Қазіргі уақытта литий-ионды аккумуляторлар 100-ге жуық жұмыс істеп тұрған кәсіпорындарда шығарылады.