Түркі елдерінде мерекелер аптасы
Еуразия күн тәртібі-36
Еуразия күн тәртібі - 36
2024 жылдың 28 тамызында Қазақстан Президенті Қасым-Жомарт Тоқаев Біріккен Ұлттар Ұйымы Бас хатшысының орынбасары, Қарусыздану мәселелері жөніндегі жоғарғы өкіл Изуми Накамицуды қабылдады. Кездесу барысында аймақтық және халықаралық қауіпсіздікті қамтамасыз ету, қарусыздану мен ядролық қаруды таратпау ісінде Қазақстанның Біріккен Ұлттар Ұйымы институттарымен жан-жақты ықпалдастығының перспективалары талқыланды.
28-29 тамызда Түркия Республикасының Мәдениет және туризм министрі Мехмет Нури Ерсой ресми сапармен Өзбекстанға барды. Ерсойды Өзбекстан президенті Шавкат Мирзиёев қабылдады. Ташкентте Өзбекстан Мәдениет министрі Озодбек Назарбековпен кездескен министр 2025 жылы Өзбекстанда Түркияның мәдениет фестивалін ұйымдастыратындарын мәлімдеді. Ерсой сапар аясында Өзбекстанның Экология, қоршаған ортаны қорғау және климаттық өзгерістер министрі Азиз Абдухакимовпен және Өзбекстан Туризм комитетінің төрағасы Умид Шадиевпен кездесулер өткізді.
28 тамызда Түрікменстан Халк маслахатының төрағасы Құрбанқұлы Бердімұхамедов Иран Ислам Республикасына жұмыс сапарымен барды. Құрбанқұлы Бердімұхамедов Тегеранда Иран Ислам Республикасының Президенті Масуд Пезешкиан және діни көшбасшы Али Хаменеимен кездесулер өткізді. Кездесулер нәтижесінде екі ел арасында 4 келісімге қол қойылды.
29 тамызда Ауғанстандағы Талибан әкімшілігінің тау-кен және мұнай министрі Х.Бадри Түрікменстанға барды. Бадри Ашхабадта бірнеше кездесулер өткізді. Кездесулер нәтижесінде екі ел арасында 4 келісімге қол қойылды.
Тамыздың 30 жұлдызында Өзбекстан Республикасының Энергетика министрі Түрікменстанға іссапармен барды.
27-30 тамыз аралығында Самарқандта 13-ші халықаралық «Шығыс әуендері» («Шарк тароналари») музыка фестивалі өтті. ЮНЕСКО және ИСЕСКО демеушілігімен ұйымдастырылған фестивальге 80 елден 300-ден астам өнерпаз қатысты. Халықаралық «Шығыс әуендері» музыка фестивалі 1997 жылдан бері өткізіліп келеді.
Өткен аптада Түркі мемлекеттерінде мерекелер қатарласа тойланды. 30 тамызда Түркия Жеңіс күнін, Қазақстан Конституция күнін, 31 тамызда Қырғызстан, ал 1 қыркүйекте Өзбекстан тәуелсіздік күнін атап өтті.
27 тамызда Әзербайжан Республикасының Сыртқы істер министрі Джейхун Байрамов Түркияға ресми сапармен келді. Министр Байрамов Анкарада Түркия Республикасының Сыртқы істер министрі Хакан Фиданмен кездесті. Кездесуде екіжақты қарым-қатынас, аймақтық және жаһандық мәселелер талқыланды.
2024 жылдың 28 тамызда Түркия Республикасының Көлік және инфрақұрылым министрі Абдулкадир Уралоғлу Солтүстік Кипр Түрік Республикасына іссапармен барды. Министр Уралоғлу Солтүстік Кипр Түрік Республикасының Президенті Ерсін Татар тарапынан қабылданды. Сапар аясында Никосия айналма жолының іргетасы қаланды.
30 тамызда Әзербайжан Президенті Ильхам Әлиев Түркия-Әзербайжан парламентаралық достық тобы төрағасы Шамиль Айрым басшылығындағы Түркия Ұлы Ұлттық Мәжілісі делегациясын қабылдады. Түркия Ұлы Ұлттық Мәжілісі делегациясы жалпы парламенттік сайлауды бақылау үшін Әзербайжанға барған болатын. 1 қыркүйекте өткен сайлауды 598 шетелдік бақылаушы бақылады.
