Эрзинджанның Кемалийе тоқымасы

Тіркелу уақыты:  12.09.2023

Түркияның Шығыс Анадолы аймағында орналасқан Эрзинджан қаласының Кемалийе ауданы тоқыма өнерінің ерекше түріне өз атын береді. «Кемалийе газенне тоқымасы» деп те аталатын және 100 пайыз мақтадан иірілген жіптен өндірілген бұл тоқыма түрі Кемалийе аудан әкімшілігінің өтініші бойынша 2023 жылы Түркияның географиялық белгісі бар өнімдері қатарына енді. Өңірде «Газенне» термині тоқымашылыққа тән түрлі-түсті тік сызық оюларына берілген атау. Тоқуда жіптің түсі негізінен бургундия және қою көк болады, бірақ қолдану орнына байланысты күлгін, сары, қызыл және жасыл сияқты түрлі-түсті жіптермен тік сызық үлгілері де жасалады. Өндіріс кезінде орауыштарға оралған жіптерді шаттл тоқыма станогының бүйірінде орын алған және жіптердің бірдей кернеумен параллель және дұрыс тұруын қамтамасыз ететін бөлігіне қойылады. Үлкен бір шеберлікті қажет ететін және қолөнерімен орындалатын тоқу кезінде тоқыма станогы «қол тарту» және «аяқ тарту» деп аталатын механикалық бөліктері арқылы қозғалады. Шығарылған тоқыма өнімдері сұранысқа қарай «қына түнгі көйлегі», күнделікті киім, монша белдемшелері, жастық қаптары, жаймалар, дастархандар және орамал өндірісінде қолданылады. Тоқуды қолдану саласы өндірісте қолданылатын жіптің жұмсақ немесе қатты екенін анықтайтын ең негізгі фактор болып табылады.