Битлис Адилжеваз асатаяғы
Түркияның географиялық белгісі бар өнімдері – 22-2023
Битлис Адилжеваз асатаяғы
Тіркелу уақыты: 22.04.2019
Түркияның Шығыс Анадолы аймағындағы Ван көлінің жағасына орналасқан Битлис қаласы Адилжеваз ауданының атымен аталған «Битлис Адилжеваз асатаяғы» Адилжеваз Ауыл қызметтері одағының өтініші бойынша 2019 жылы Түркияның географиялық белгісі бар өнімдері арасына қосылды. Қарттардың күнделікті қолдануы және туристік мақсатпен екі түрлі өндірілетін асатаяқтың шикізаты аймақта ерекше өсірілетін жаңғақ ағашы. Өндірісте қолданылатын жаңғақ ағашының бұтақ буынының аз болуы өте маңызды. Асатаяқтың өрнектері тарихи құрылыстардағы Урарту, Селжук және Османлы мотифтерінен пайдаланып, еркін жобаланған және ұрпақтар бойы асатаяқ ұсталары тарапынан бүгінге жеткен. 25-тен астам түрі бар эбру, тезхиб және миниатюра өнерлері өрнектері тек Адилжеваз асатаяқтарында ғана кездеседі, асатаяқтың шанағына ою, бояу және күйдіру техникаларымен безендіріледі. Толығымен қолөнерімен жасалатын Адилжеваз асатаяғы күнделікті өмірде қолдану үшін адамның салмағын көтеретін өремен қалыңдау жасалады. Ал туристік мақсатта қолданылатындар жіңішке және арнайы эстетикалық жобалау арқылы жасалады.
