Түркияда "Бақсы мұражайы" атты жүлделі ауыл мұражайы бар екенін білетін бе едіңіз?

Қаратеңіздің шығыс аймағының Байбурт қаласында орналасқан бұрынғы атауымен «Бақсы», жаңа атауымен «Байрактар» ​​деп аталатын ауылда архитектуралық дизайны, табиғаты және ерекше жобаларымен назар аударатын мұражай бар. Қала орталығынан 45 шақырым жердегі Чорух алқабына қарайтын төбе үстінде суретші және аға оқытушы Проф. док. Хусаметтин Кочан негізін қалаған «Баксы мұражайы» 2010 жылы ашылды. Архитектуралық құрылымы және орналасқан жерімен «ерекше мұражай» ретінде даңқы шыққан «Бақсы мұражайы» көрме залдары, оқу шеберханалары, қойма мұражайы, конференция залы, қонақ үйі, көнекөздер мешіті және кітапханасымен де назар аударады. Заманауи және дәстүрлі өнерді бір шаңырақ астында жинаған мұражай сонымен қатар жергілікті халыққа білім және жұмыспен қамдау мүмкіндігі береді. Сондай-ақ өңірдегі дарынды балаларды анықтап, оларға шәкіртақы дайындап, білім алуына үлес қосып, әсіресе дизайн, өнер және мәдениет салаларындағы жобаларды жүзеге асыруда. 

Дәстүрлі мәдениетті сақтау, оны болашақ ұрпаққа жеткізу мақсатты зерттеу жүргізетін, әсіресе әйелдерді жұмыспен қамту жобаларын іске асырған «Бақсы мұражайы» 2014 жылы Еуропа Кеңесінің «Мұражай жүлдесі» және сол жылы Түркия Ұлы Ұлттық Мәжілісінің (ТҰҰМ) «Құрмет сыйлығымен» марапатталды.