An kwayewa Shugaban Kasar Faransa Macron baya

Shugaban Kasar Faransa Emmanuel Macron da jam'iyyarsa ta LREM sun sha babban kayi a zagaye na 2 na kananan zabukan da aka gudanar a kasar.

1445046
An kwayewa Shugaban Kasar Faransa Macron baya

Shugaban Kasar Faransa Emmanuel Macron da jam'iyyarsa ta LREM sun sha babban kayi a zagaye na 2 na kananan zabukan da aka gudanar a kasar.

A daren Lahadin nan aka gudanar da zabukan wadanda aka shirya yi a watan Maris amma sakamakon annobar Corona (Covid-19) aka dage zuwa watan Yuni.

An bayyana cewar mutane miliyan 16 wato kaso 60 na masu jefa kuri'a ne ba su fita zaben ba wanda hakan ya kafa tarihi. A shekarar 2014 adadin na a kaso 34,87.

Kuri'un da aka kirga sun nuna jam'iyyar LREM ta sha kayi a manyan birane kamar yadda ta afku a zagayen farko na zaben. Jam'iyyar EELV kuma ta lashe zabe a garuruwan Lyon, Bordeaux, Strasbourg, Poitiers, Besanchon da Marselle.

Firaminista Edouard Philippe ya samu nasara da kaso 58,83 cikin dari a zaben da ya shiga a Le Havre.

Shugabar Birnin Paris 'yar jam'iyyar PS Anne Hidalgo ta sake lashe kujerarta da kaso 48,7 inda ta samu damar yin tazarce.

A Perpignan kuma jam'iyyar RN ta Marine Le Pen ta yi nasara da kaso 52 na kuri'un da aka jefa inda dan takararta Louis Aliot ya zama magajin gari.



Labarai masu alaka