თურქული პრესა 09.08.2024

თურქული პრესა 09.08.2024

თურქული პრესის მოკლე მიმოხილვა

Hürriyet: „ერდოღანი: ისრაელი არ აპირებს ცეცხლის შეწყვეტას“

პრეზიდენტი რეჯეფ თაიფ ერდოღანი საპრეზიდენტო კომპლექსში კატარის ემირს შეიხ თამიმ ბინ ჰამედ ალ თანის შეხვდა. შეხვედრის დროს ერდოღანმა განაცხადა, რომ ისრაელმა ჰამასის პოლიტბიუროს თავმჯდომარის ისმაილ ჰანიეს მკვლელობით, კიდევ ერთხელ აჩვენა, რომ არ აპირებს ცეცხლის შეწყვეტას, თურქეთი აგრძელებს მუშაობას რეგიონში მუდმივი მშვიდობის დასამყარებლად და ისინი აპირებენ გაზარდონ პროდუქტიული ძალისხმევა კატართან ერთად.

Yeni Şafak: "თურქეთი და ალბანეთი გააძლიერებენ თანამშრომლობას თავდაცვის ინდუსტრიაში"

პრეზიდენტმა ერდოღანმა და ალბანეთის პრემიერ-მინისტრმა ედი რამამ სატელეფონო საუბარი გამართეს. საუბრისას განიხილეს თურქეთისა და ალბანეთის ორმხრივი ურთიერთობები, რეგიონული და გლობალური საკითხები. ერდოღანმა განაცხადა, რომ ორ ქვეყანას შორის ურთიერთობები მაღალ დონეზეა და გადადგმული ნაბიჯებით კიდევ უფრო გაძლიერდება თანამშრომლობა თავდაცვის ინდუსტრიაში სავაჭრო, ეკონომიკური და სამხედრო საკითხებზე შეხვედრებით.

Sabah: „ცენტრალური ბანკის რეზერვების ზრდა გრძელდება“

თურქეთის რესპუბლიკის ცენტრალური ბანკის ჯამური რეზერვები 2 აგვისტოს კვირაში წინა კვირასთან შედარებით 2 მილიარდ 375 მილიონი დოლარით გაიზარდა და 150 მილიარდ 386 მილიონ დოლარს მიაღწია.

Star: "ფოლადის გუმბათი ბერძნულ პრესაში"

თურქეთის ნაბიჯმა შექმნას მრავალფენიანი და ხელოვნურად ინტელექტუალური ფოლადის გუმბათი, ბერძნულ პრესაში ფართო გამოხმაურება გამოიწვია. ხაზგასმით აღნიშნა, რომ თურქეთის თავდაცვის ინდუსტრიის განვითარება გრძელდება და ბერძნულმა პრესამ გამოიყენა სათაური „თურქეთის ცაზე ჩიტიც არ გადაიფრენს“.

Haber Türk: "ეფესოს ანტიკური ქალაქი არის მუზეუმი, რომელმაც ყველაზე მეტ ვიზიტორს უმასპინძლა პირველი 7 თვის განმავლობაში"

იზმირის სელჩუკის რაიონში მდებარე ანტიკური ქალაქი ეფესო, რომელსაც ყოველწლიურად უამრავი ტურისტი სტუმრობს, იანვარ-ივლისში 1 მილიონ 444 ათას 405 ვიზიტორმა მოინახულა. ამრიგად, ანტიკური ქალაქი ეფესო გახდა მუზეუმი, რომელმაც თურქეთში პირველ 7 თვეში გაზარდა ადგილობრივი და უცხოელი ვიზიტორების რაოდენობა და ყველაზე მეტ ადამიანს უმასპინძლა.