თურქული პრესა 25.10.2021

მიმოხილვას ვიწყებთ გაზეთ „Star“-ით, რომელშიც ვკითხულობთ: პრეზიდენტი რეჯეფ თაიფ ერდოღანი ბოლო ერთი წლის განმავლობაში აზერბაიჯანს მესამედ ეწვევა. ოკუპაციისგან გათავისუფლებულ ყარაბაღის ტერიტორიაზე აზერბაიჯანის მიერ აშენებული პირველი აეროპორტი, ფუზულის საერთაშორისო აეროპორტი ხვალ ერდოღანის მონაწილეობით ამოქმედდება.

გაზეთი „Haber Türk“-ი შინაგანს საქმეთა მინისტრის განცხადებას უთმობს ადგილს, რომელშიც ვკითხულობთ: შინაგან საქმეთა მინისტრმა სულეიმან სოილუმ განაცხადა, რომ ჰაკკარის ჩუქურჯას რაიონის პერიფერიებში განხორციელებული საჰაერო ოპერაციის შედეგად, რომელშიც ჟანდარმერიამ შეიარაღებული უპილოტო საფრენი აპარატი (J-SİHA) გამოიყენა, კიდევ 2 ტერორისტი იქნენ ლიკვიდირებული.

გაზეთი „Sabah“-ი წერს, რომ თურქეთი „ეროვნული ენერგეტიკისა და სამთო“ პოლიტიკის ფარგლებში აგრძელებს მუშაობას რა, ოქრო კომპანია Gübretaş-ის სააქციო საზოგადოების დირექტორთა საბჭოს თავმჯდომარემ ფაჰრეთთინ ფოირაზმა განაცხადა, რომ ბილეჯიკში (ჩრდილო-დასავლეთ პროვინცია) ოქროს მარაგები აღმოაჩინეს და 2022 წლის ბოლოს მის ჩამოსხმას დაიწყებენ. მისივე თქმით, ეს ნაბიჯი თურქეთის ეკონომიკაში მნიშვნელოვან წვლილს შეიტანს.

გაზეთი „Yeni Şafak“-ი ისმაილ დემირის განცხადებას უთმობს ადგილს, რომელშიც ვკითხულობთ: თავდაცვის მრეწველობის თავჯდომარე, ისმაილ დემირმა სოციალურ ქსელ, Twitter-ის ანგარიშიდან გავრცელებულ განცხადებაში აღნიშნა, რომ თურქეთის საავიაციო და კოსმოსური მრეწველობის საწარმოს (TUSAŞ) მიერ შემუშავებული მაღალსიჩქარიანი სამიზნე თვითმფრინავის სისტემა სახელწოდებით, შიმშექი (ელვა) გადაკეთდა რაკეტად, რომელიც ზუსტად ურტყამს სამიზნეებს.

გაზეთ „Hürriyet“-ის კულტურის მიმომხილველი წერს, რომ მსოფლიოში ერთ-ერთი ყველაზე პრესტიჟული ფოტოგრაფიის კონკურსის Sienna-ს გამარჯვებულები გამოვლინდნენ. კონკურსს რომელსაც 163 ქვეყნის ფოტოგრაფი ესწრება. პირველი ადგილი თურქმა ფოტოგრაფმა, მეჰმედ ასლანმა აიღო. მეჰმედ ასლანის მიერ გადაღებული ფოტო „ცხოვრების გაჭირვება“, სირიელი მამისა და შვილის ისტორიის შესახებ მოგვითხრობს.