რეჯეფ თაიფ ერდოღანმა ენტონი ბლინკენი მიიღო

პრეზიდენტმა რეჯეფ თაიფ ერდოღანმა წუხელ დედაქალაქ ანკარაში ჩამოსული შეერთებული შტატების სახელმწიფო მდივანი ენტონი ბლინკენი მიიღო.

მიღება, რომელიც ანკარის ესენბოღას აეროპორტში პრესისათვის დახურულ ფორმატში გაიმართა და საგარეო საქმეთა მინისტრი ჰაქან ფიდანიც ესწრებოდა, თურქეთსა და აშშ-ს შორის ურთიერთობები, სირიის ბოლო მოვლენები, გლობალური და რეგიონალური საკითხები განიხილეს.

შეხვედრაზე პრეზიდენტმა ერდოღანმა განაცხადა, რომ თურქეთის ძალისხმევა თურქეთ-აშშ-ის ურთიერთობების ყველა სფეროში გაუმჯობესების მიზნით ახალ პერიოდშიც გაგრძელდება.

ერდოღანმა დასძინა, რომ თურქეთი თავიდანვე ემხრობოდა სირიის ტერიტორიული მთლიანობის, ერთიანობისა და უნიტარული სტრუქტურის დაცვას. ერდოღანმა აღნიშნა, რომ საერთაშორისო საზოგადოებამ ერთად უნდა იმუშაოს სირიაში ინსტიტუტების აღორძინებისა და აღდგენისთვის.

პრეზიდენტმა ერდოღანმა განაცხადა, რომ თურქეთი მიიღებს პრევენციულ ზომებს, უპირველეს ყოვლისა, საკუთარი ეროვნული უსაფრთხოებისთვის ყველა ტერორისტული ორგანიზაციის, განსაკუთრებით PKK/PYD/YPG-ს და დაეში-ს წინააღმდეგ, რომლებიც სირიაში მოქმედებენ და თურქეთისთვის საფრთხის წყაროა.

თავის მხრივ, ერდოღანის მხრიდან ბლინკენის მიღებასთან დაკავშირებით, აშშ-ის სახელმწიფო დეპარტამენტის განცხადებაში ნათქვამია: „სახელმწიფო მდივანმა ბლინკენმა განიხილა აშშ-თურქეთის ძლიერი რეგიონალური თანამშრომლობა და ჩვენი საერთო ინტერესები, მხარი დავუჭიროთ პოლიტიკურ გადასვლას ანგარიშვალდებულ და ინკლუზიურ მთავრობაზე, რომელსაც ხელმძღვანელობენ და ფლობენ სირიელები.

ამავე ინფორმაციით, შეხვედრაზე განიხილეს სირიის ყველა აქტორის მიერ ადამიანის უფლებების პატივისცემის, საერთაშორისო ჰუმანიტარული სამართლის და მშვიდობიანი მოსახლეობის და უმცირესობების წევრების დაცვის აუცილებლობა.