პრეზიდენტი ერდოღანი ანტონიუ გუტერეშს ტელეფონით ესაუბრა

პრეზიდენტი რეჯეფ თაიფ ერდოღანი გაეროს გენერალურ მდივანს, ანტონიუ გუტერეშს ტელეფონით ესაუბრა.

სატელეფონო საუბრის დროს პრეზიდენტმა ერდოღანმა განაცხადა, რომ სირიის კონფლიქტი ახალ ეტაპზე გადავიდა და თურქეთის უდიდესი სურვილია, სირიამ არ განიცადოს უფრო დიდი არასტაბილურობა და არ გამოიწვიოს მშვიდობიანი მოსახლეობის მსხვერპლი.

ერდოღანმა განაცხადა, რომ სირიის რეჟიმმა დაუყოვნებლივ უნდა ჩართოს საკუთარი ხალხი ყოვლისმომცველი პოლიტიკური გადაწყვეტისთვის.

ანტონიო გუტერეშმა კი სირიის საკითხთან დაკავშირებით წერილობით განცხადება გაავრცელა, რომელშიც ნათქვამია: „ჩვენ ვდგავართ მთელი ქვეყნის მასშტაბით ცეცხლის შეწყვეტის ჩავარდნის მტკივნეული შედეგების და გაეროს უშიშროების საბჭოს რეზოლუციების შესაბამისად პოლიტიკური გადაწყვეტისკენ მიმართული დესკალაციის მცდელობების წარუმატებლობის წინაშე. რეგიონი, სადაც დაძაბულობა ყოველდღიურად იზრდება, ათიათასობით მშვიდობიან მოქალაქეს საფრთხე ემუქრება. რეგიონში სისხლისღვრა უნდა შეწყდეს. მოვუწოდებ გავლენის მქონე ყველა მხარეს, ძალისხმევა გამოიჩინონ სირიელი ხალხის ხანგრძლივი ტკივილის თავიდან ასაცილებლად“.

შეგახსენებთ, რომ სირიაში რეჟიმის ძალებსა და მოწინააღმდეგე შეიარაღებულ დაჯგუფებებს შორის შეტაკებები 27 ნოემბრიდან გრძელდება.