პრეზიდენტმა ერდოღანმა და ომანის სულთანმა ერთობლივი პრესკონფერენცია გამართეს

პრეზიდენტმა რეჯეფ თაიფ ერდოღანმა განაცხადა: "მინდა ხაზგასმით აღვნიშნო, რომ ჩვენ ვერ მივაღწევთ რეგიონულ და გლობალურ მშვიდობას, თუ არ იქნება დაუყოვნებელი, სამართლიანი და მუდმივი ცეცხლის შეწყვეტა ღაზაში“.

პრეზიდენტმა ერდოღანმა პირისპირ და დელეგაციათაშორისი შეხვედრის შემდეგ ერთობლივი პრესკონფერენცია გამართა ომანის სულთან ჰაისამ ბინ ტარიკთან, რომელიც ოფიციალური ვიზიტით დედაქალაქ ანკარაში ჩავიდა.

ერდოღანმა კმაყოფილება გამოხატა თურქეთში ომანის სულთანის, ჰაისამ ბინ ტარიკის მასპინძლობის გამო, თქვა: "ჩვენი ისტორიული და ძმური ურთიერთობები ომანთან განაგრძობს განვითარებას ყველა სფეროში. ჩემს ძვირფას ძმასთან ერთად, გვინდა, რომ ჩვენი ურთიერთობები ბევრად უფრო წინ წავწიოთ ყველა სფეროში."

ერდოღანმა აღნიშნა, რომ შეხვედრებზე მათ შეაფასეს ის ნაბიჯები, რომლებიც შეიძლება გადაიდგას სხვადასხვა სფეროში ურთიერთობების შემდგომ გასაძლიერებლად და დაამატა: „გვსურს შევძინოთ ჩვენს ურთიერთობებს ინსტიტუციური ჩარჩო. ამ მიზნით განვიხილეთ ის ვარიანტები, რომლებიდანაც შეგვიძლია ვისარგებლოთ, მათ შორის, მაღალი დონის სტრატეგიული თანამშრომლობის მექანიზმით. ხელი მოეწერა 10 დოკუმენტს, რათა განვავითაროთ ჩვენი თანამშრომლობა ისეთ საკითხებზე, როგორიცაა საგარეო ურთიერთობები, ეკონომიკა, მრეწველობა, ინვესტიციები, ჯანდაცვა, კულტურა, სოფლის მეურნეობა და მეცხოველეობა. მიიღებული იქნა ერთობლივი დეკლარაცია“.

პრეზიდენტმა ასევე აღნიშნა, რომ მიესალმებიან მოლაპარაკებების პოზიტიურ შედეგს ლიბანში ცეცხლის შეწყვეტის უზრუნველსაყოფად და თქვა: „კიდევ ერთხელ ხაზგასმით აღვნიშნავ, რომ ჩვენი ქვეყანა მზად არის უზრუნველყოს ყველა სახის მხარდაჭერა ლიბანში მშვიდობისა და სტაბილურობის უზრუნველსაყოფად. თუმცა, მინდა ხაზგასმით აღვნიშნო, რომ ჩვენ ვერ მივაღწევთ რეგიონულ და გლობალურ მშვიდობას, თუ არ იქნება სასწრაფო, სამართლიანი და მუდმივი ცეცხლის შეწყვეტა მიღწეული. ამერიკის პრეზიდენტის ჯო ბაიდენის განცხადება იმის შესახებ, რომ ისინი დაიწყებენ ახალ ინიციატივას ღაზაში ცეცხლის შეწყვეტის შესახებ, ძალიან დაგვიანებული, მაგრამ მნიშვნელოვანი ნაბიჯია. /…/.  რა თქმა უნდა, ჩვენ არ მოვერიდებით ყველაფერი გავაკეთოთ რაც შეგვიძლია ღაზაში მშვიდობის დასამყარებლად“.

ბინ ტარიკმა განაცხადა, რომ ყველას საერთო სურვილია რეგიონში უსაფრთხოებისა და სტაბილურობის დამყარება და დაამატა: „ჩვენ ერთად უნდა ვიმუშაოთ რეგიონული თანამშრომლობის გასაძლიერებლად. ამ კონტექსტში ჩვენ, როგორც ომანი, გვინდა ვთქვათ, რომ ჩვენი რეგიონის საერთაშორისო საკითხებში მხარს ვუჭერთ თურქეთის პოზიციას.“