ემინე ერდოღანი ანტონიო გუტერეშს შეხვდა

თურქეთის პრეზიდენტის რეჯეფ თაიფ ერდოღანის მეუღლე ემინე ერდოღანი, გაეროს გენერალურ მდივან ანტონიო გუტერეშს გაეროს კლიმატის ცვლილების ჩარჩო კონვენციის 29-ე მხარეთა კონფერენციაზე (COP29) შეხვდა.

შეხვედრაზე განიხილეს კლიმატის ცვლილებასთან ბრძოლისა და გარემოსდაცვითი საკითხები, განსაკუთრებით კი ემინე ერდოღანის პატრონაჟით დაწყებული პროექტი „ნულოვანი ნარჩენები“.

ემინე ერდოღანმა ასევე მიაწოდა გუტერეშს ინფორმაცია გაეროს მაღალი დონის პირთა ნულოვანი ნარჩენების საკონსულტაციო საბჭოს საქმიანობის შესახებ, რომელსაც ის თავმჯდომარეობს.

სოციალურ ქსელში გამოქვეყნებულ პოსტში შეხვედრასთან დაკავშირებით ემინე ერდოღანმა აღნიშნა, რომ გუტერეშთან ერთად განიხილეს გლობალური კლიმატის მიზნების მიღწევის გზები და დასძინა:

„მსურს მადლობა გადავუხადო გენერალურ მდივანს მისი ლიდერობისა და კონსტრუქციული წვლილისთვის ამ კრიტიკულ პერიოდში, რომლის დროსაც მე მას მივაწოდე ინფორმაცია გაეროს მაღალი დონის პირთა ნულოვანი ნარჩენების საკონსულტაციო საბჭოს მუშაობის შესახებ, რომელსაც მე ვხელმძღვანელობ და რომელიც მიზნად ისახავს კლიმატის ცვლილებასთან ბრძოლის გაძლიერებას“.