პრეზიდენტი ერდოღანი აზერბაიჯანში ჩავიდა

აპრეზიდენტი რეჯეფ თაიფ ერდოღანი რიადში, ისლამური თანამშრომლობის ორგანიზაციისა და არაბული ქვეყნების ლიგის რიგგარეშე ერთობლივი სამიტის შემდეგ აზერბაიჯანში გაემგზავრა.

პრეზიდენტი ერდოღანი აზერბაიჯანის დედაქალაქ ბაქოში „გაერთიანებული ერების ორგანიზაციის COP29 მსოფლიო ლიდერების კლიმატის სამიტს“ ესწრება.

ერდოღანს დახვდნენ აზერბაიჯანის პრეზიდენტი ილჰამ ალიევი და გაეროს გენერალური მდივანი ანტონიო გუტერეში.

ვიზიტის ფარგლებში პრეზიდენტი ერდოღანი ორმხრივ შეხვედრებსაც გამართავს.

შეხვედრებზე ქვეყნებს შორის ურთიერთობების გარდა, განიხილება გლობალური და რეგიონული მოვლენები, განსაკუთრებით ბოლო ვითარება ღაზასა და ლიბანში.