ეგვიპტის პრეზიდენტი ვიზიტით თურქეთში ჩამოდის

ანკარა 12 წლის შემდეგ ეგვიპტიდან პრეზიდენტის დონეზე ვიზიტს უმასპინძლებს.

პრეზიდენტ რეჯეფ თაიფ ერდოღანის მოწვევის საპასუხოდ, ეგვიპტის პრეზიდენტი აბდელ ფატაჰ ალ-სისი დღეს პირველად ოფიციალური ვიზიტით თურქეთს ეწვევა.

ერდოღანი თავის კოლეგას ბეშტეპეში ოფიციალური ცერემონიით დახვდება.

პრეზიდენტები უხელმძღვანელებენ თურქეთ-ეგვიპტის უმაღლესი დონის სტრატეგიული თანამშრომლობის საბჭოს სხდომას.

ორ ქვეყანას შორის არსებული 10 მილიარდი დოლარის ვაჭრობის მოცულობის ახალი მიზანი, 15 მილიარდი დოლარია. შეხვედრაზე შეფასდება ამ მიზნის მისაღწევად გადასადგმელი ნაბიჯები. განიხილება გრძელვადიანი თანამშრომლობის შესაძლებლობები ენერგეტიკის, ჯანდაცვის, ტურიზმისა და თავდაცვის მრეწველობის სფეროებში.

ღაზაში ისრაელის მიერ განხორციელებული გენოციდი და რეგიონის ჰუმანიტარული დახმარება ასევე ვიზიტის მთავარ საკითხებს შორისაა.

ერდოღანი და სისი შეაფასებენ ერთობლივ ნაბიჯებს, რომლებიც შეიძლება გადაიდგას ცეცხლის შეწყვეტის რაც შეიძლება მალე უზრუნველსაყოფად. რეგიონულ საკითხებში განიხილება ის თუ რა შეიძლება გაკეთდეს მუდმივი სტაბილურობის და მშვიდობის დასამყარებლად.