თურქეთი საბერძნეთის განცხადებას გამოეხმაურა

თურქეთი გამოეხმაურა საბერძნეთის განცხადებას, რომ იგი გამოაცხადებს ორ ახალ საზღვაო პარკს.

საგარეო საქმეთა სამინისტროს წერილობით განცხადებაში ყურადღება გამახვილებულია საბერძნეთის საგარეო საქმეთა სამინისტროს განცხადებაზე, რომ იგი გამოაცხადებს ორ ახალ საზღვაო პარკს, ერთს ეგეოსის ზღვაში, მეორეს იონიის ზღვაში „ჩვენი ოკეანეების კონფერენცია“-ზე, რომელიც ათენში 16-17 აპრილს გაიმართება და აღინიშულია: „ცნობილია, რომ საბერძნეთი დიდი ხანია ცდილობს ისარგებლოს თითქმის ყველა პლატფორმით ეგეოსის პრობლემების კონტექსტში. მიუხედავად ბოლოდროინდელი ჩვენი ურთიერთობების შერბილებისა, ჩანს, რომ საბერძნეთი ამჯერადაც იყენებს გარემოსდაცვით საკითხებს.

ჩვენ ვურჩევთ საბერძნეთს, საკუთარი დღის წესრიგის ფარგლებში არ გამოიყენოს ეგეოსის ზღვის პრობლემები და საკითხები ზოგიერთი კუნძულის, პატარა კუნძულისა და კლდეების სტატუსთან დაკავშირებით, რომელთა სუვერენიტეტი საბერძნეთს საერთაშორისო ხელშეკრულებებით არ გადაეცა“.

განცხადებაში გააფრთხილეს მესამე მხარეები, მათ შორის ევროკავშირი, რომ არ გახდნენ იარაღი „საბერძნეთის პოლიტიკური ნაბიჯებისთვის გარემოსდაცვითი პროგრამებთან დაკავშირებით“ და ხაზგასმით აღნიშნეს, რომ საერთაშორისო საზღვაო სამართალი ხელს უწყობს თანამშრომლობას, მათ შორის გარემოსდაცვით საკითხებში, ერთი სანაპიროს მქონე ქვეყნებს შორის დახურულ ან ნახევრად დახურულ ზღვებში და აღინიშნა, რომ თურქეთი ყოველთვის მზად არის ითანამშრომლოს საბერძნეთთან ეგეოსის ზღვაში.

„კიდევ ერთხელ გვინდა აღვნიშნოთ, რომ არ მივიღებთ იმ დე ფაქტო სიტუაციებს, რომლებიც შესაძლოა საბერძნეთმა შექმნას გეოგრაფიულ წარმონაქმნებზე, რომელთა სტატუსიც სადავოა“. - ნათქვამია განცხადებაში და აღნიშნულია რომ ამ საზღვაო პარკებს არ ექნება რაიმე სამართლებრივი შედეგი ეგეოსის ზღვაში ორ ქვეყანას შორის არსებული პრობლემების კონტექსტში.