საზღვარგარეთულ წარმომადგენლობებში საარჩევნო უბნები დაიხურა

საზღვარგარეთულ წარმომადგენლობებში საარჩევნო უბნები დაიხურა.

საპრეზიდენტო არჩევნების მეორე ტურისთვის უცხოეთის წარმომადგენლობებში ხმის მიცემის პროცესი დასრულდა. მიცემული ხმების რაოდენობამ პირველ ტურში მიცემულ ხმებს გადააჭარბა. პირველ ტურში უცხოურ წარმომადგენლობებსა და საბაჟო პუნქტებზე 1 მილიონ 839 ათას 470 ხმა იქნა გამოყენებული, მეორე ტურში კი 1 მილიონ 839 ათას 488 ხმა.

საპრეზიდენტო არჩევნებისთვის საზღვარგარეთ ხმის მიცემის პროცესი, რომლის მეორე ტური 28 მაისს გაიმართება, აშშ-ს გარდა ყველგან დასრულდა.

ამომრჩევლები საზღვარგარეთის წარმომადგენლობებსა და საბაჟო პუნქტებზე გახსნილ საარჩევნო უბნებზე ხმას 20 მაისიდან აძლევდნენ.

საზღვარგარეთ მყოფი თურქეთის მოქალაქეების დიდი ინტერესი არჩევნების მიმართ ბოლო დღესაც გაგრძელდა.

უმაღლესი საარჩევნო საბჭოდან (YSK) მიღებული ინფორმაციით, 18.24 საათის მდგომარეობით უცხოეთის წარმომადგენლობებსა და საბაჟო პუნქტებზე მიცემულ ხმათა საერთო რაოდენობამ 1 მილიონ 839 ათას 488 შეადგინა.

14 მაისს გამართული საპრეზიდენტო არჩევნების პირველ ტურზე საზღვარგარეთ და საბაჟოებზე მიცემული 1 მილიონ 839 ათას 470 ხმა მეორე ტურში 18-ით გაიზარდა.

მათ ვინც იმ ქვეყნებში, სადაც იმყოფებიან მითითებულ ვადაში ხმა ვერ მისცეს, საბაჟო პუნქტებზე ხმის მიცემა 28 მაისის 17:00 საათამდე შეეძლებათ.

14 მაისს გამართული საპრეზიდენტო არჩევნების პირველ ტურში უცხოეთში რეგისტრირებულმა ამომრჩევლებმა უცხოეთის წარმომადგენლობებში ხმა 27 აპრილიდან 9 მაისამდე, ხოლო საბაჟო პუნქტებზე 14 მაისის 17:00 საათამდე  მისცეს.

არჩევნების პირველ ტურში არჩევნებზე მივიდა უცხოეთის საარჩევნო სიაში რეგისტრირებული 1 მილიონ 839 ათას 470 ამომრჩეველი, აქედან 1 მილიონ 691 ათას 287 უცხოეთის წარმომადგენლობაში, 148 ათას 183 კი საბაჟო პუნქტებზე.