მიწისძვრის შედეგად დაღუპულთა რიცხვი იზრდება
მიწისძვრის შედეგად დაღუპულთა რიცხვი იზრდება
6 თებერვალს თურქეთის, ქაჰრამანმარაშის პროვინციაში მომხდარი 7,7 და 7,6 მაგნიტუდის სიმძლავრის მიწისძვრების შედეგად ბოლო მონაცემებით დაღუპულთა რიცხვი 16 ათას 170-მდე გაიზარდა. აღნიშნულის შესახებ ინფორმაციას, კატასტროფებისა და საგანგებო სიტუაციების სამმართველო (AFAD) ავრცელებს. მათივე განცხადებით, მიწისძვრის შედეგად დაშავებულთა რიცხვი 64 ათას 194-მდე გაიზარდა.
რეგიონში სამძებრო-სამაშველო სამუშაოებში 113 ათას 201 თანამშრომელი იღებს მონაწილეობას.
რეგიონში გაგზავნილი 94 ათასზე მეტი კარვიდან 73 ათას 11 უკვე დაიდგა.
რეგიონში გაიგზავნა 95 მობილური სამზარეულო, 79 კვების მანქანა, 1 სუპ სამზარეულო, 4 მობილური ღუმელი, 39 საველე სამზარეულო, 1 კონტეინერის სამზარეულო და 86 მომსახურე მანქანა.
მიწისძვრის შედეგად დაზარალებულ ტერიტორიებზე სამძებრო-სამაშველო სამუშაოები გრძელდება.
მეორეს მხრივ, AFAD-ის ცნობით, დღეის მონაცემებით, ქაჰამანმარაშში მომხდარი მიწისძვრის შედეგად დაზარალებული პროვინციებიდან სახმელეთო, სარკინიგზო და საჰაერო გზით ევაკუირებული იქნა 28 ათას 44 ადამიანი.