მიწისძვრის შედეგად დაღუპულთა რიცხვი იზრდება

გუშინ თურქეთის, ქაჰრამანმარაშის პროვინციაში მომხდარი 7,7 მაგნიტუდის სიმძლავრის მიწისძვრის შედეგად ბოლო მონაცემებით დაღუპულთა რიცხვი 3549-მდე გაიზარდა. აღნიშნულის შესახებ ინფორმაციას, კატასტროფებისა და საგანგებო სიტუაციების სამმართველო (AFAD) ავრცელებს. მათივე განცხადებით, მიწისძვრის შედეგად დაშავებულთა რიცხვი კი 22 ათას 168-მდე გაიზარდა.

შეგახსენებთ, რომ თურქეთში გუშინ ადგილობრივი დროით 04:17 საათზე ქაჰრამანმარაშის პროვინციის, ფაზარჯიქის რაიონში 7,7 მაგნიტუდის სიმძლავრის მიწისძვრა მოხდა. მიწისძვრამ ათამდე ქალაქი და მრავალი რაიონი დააზარალა.

მეორეს მხრივ, ოფიციალურმა მთავრობამ მომხდარი უბედური შემთხვევის შემდეგ მე-4 დონის განგაშის რეჟიმი გამოაცხადა, რომელიც მოიცავს საერთაშორისო დახმარებას.

თავის მხრივ, ჰათაის პროვინციის ოდაბაშის რაიონეში მაშველებმა, 29 საათის შემდეგ დედა-შვილი 30 წლის ჰულია ილმაზი და მისი 6 თვის ბავშვი აიშე ვერა ილმაზი ნანგრევებიდან ცოცხალი გამოიყვანეს.

მიწისძვრის შედეგად დაზარალებულ ტერიტორიებზე სამძებრო-სამაშველო სამუშაოები გრძელდება.