პრეზიდენტმა ერდოღანმა თურქეთში მომხდარი მიწისძვრის გამო 7 დღიანი ეროვნული გლოვა გამოაცხადა

პრეზიდენტმა რეჯეფ თაიფ ერდოღანმა თურქეთში მომხდარი მიწისძვრის გამო 7 დღიანი ეროვნული გლოვა გამოაცხადა.

თურქეთის პრეზიდენტმა ეროვნული გლოვის გამოცხადებასთან დაკავშირებით სოციალურ ქსელში პოსტი გამოაქვეყნა.

პრეზიდენტ ერდოღანის ხელმოწერით გამოქვეყნებულ განკარგულებაში ნათქვამია: „ჩვენს ქვეყანაში 2023 წლის 6 თებერვალს მომხდარი მიწისძვრების გამო 7 დღიანი ეროვნული გლოვა გამოცხადდა. მთელს ქვეყანაში და საზღვარგარეთის წარმომადგენლობებში 2023 წლის 12 თებერვლამდე, კვირას, მზის ჩასვლამდე ჩვენი ეროვნული დროშა ნახევრად დაეშვება“.

ქაჰრამანმარაშის ფაზარჯიქის რაიონში მომხდარი 7,7 და ელბისტანის რაიონში 7,6 მაგნიტუდის სიმძლავრის მიწისძვრების შედეგად 1651 ადამიანი დაიღუპა, 11 ათასზე მეტი კი დაშავდა.