მევლუთ ჩავუშოღლუ ვიქტორ ორბანს შეხვდა

ოფიციალური ვიზიტის უნგრეთის დედაქალაქ ბუდაპეშტში მყოფი, თურქეთის საგარეო საქმეთა მინისტრი მევლუთ ჩავუშოღლუ, ამ ქვეყნის პრემიერ-მინისტრმა ვიქტორ ორბანმა მიიღო. მინისტრმა ჩავუშოღლუმ Twitter-ის საკუთარ გვერდზე შეხვედრასთან დაკავშირებით განაცხადა: „ჩვენი პირველი შეხვედრა ბუდაპეშტში ჩვენს სტრატეგიულ პარტნიორთან, უნგრეთის პრემიერ-მინისტრთან, ვიქტორ ორბანთან გავმართე. მადლობას ვუხდი მას პროდუქტიული შეხვედრისთვის. პრემიერ-მინისტრს გადავეცი ჩვენი პრეზიდენტის რეჯეფ თაიფ ერდოღანის მოკითხვა და მოვიწვიე თურქეთში“.