ფაჰრეთინ ალთუნმა ავსტრიის საინფორმაციო სააგენტო APA-ს კითხვებს უპასუხა

პრეზიდენტის კომუნიკაციების დირექტორატის ხელმძღვანელმა ფაჰრეთინ ალთუნმა განაცხადა, რომ 22 ივლისს თურქეთის მასპინძლობით უკრაინასა და რუსეთთან ხელმოწერილი მარცვლეულის შეთანხმების წყალობით თავიდან იქნა აცილებული გლობალური სასურსათო კრიზისი.

ფაჰრეთინ ალთუნმა ავსტრიის საინფორმაციო სააგენტო APA-ს კითხვებს უპასუხა.

ალთუნმა განაცხადა, რომ რუსეთსა და უკრაინას შორის საკითხის დიპლომატიური და მშვიდობიანი გადაწყვეტის მოსაძებნად თურქეთი მზად არის იმუშაოს.

მარცვლეულის დერეფნის შეთანხმებაზე მინიშნებით მან აღნიშნა: „მექანიზმი, რომელიც აქამდე უნაკლოდ მუშაობს, გვამხნევებს იმისთვის, რომ უფრო ფართო მასშტაბის ინიციატივები განვახორციელოთ“.

ალთუნმა ასევე განაცხადა, რომ გლობალურმა მოვლენებმა თურქეთი და ევროკავშირი დააახლოვა და დაამატა: „ამ ტემპით, გასაკვირი არ იქნება, რომ თურქეთის გაწევრიანებაზე მოლაპარაკებებმა კვლავ იმპულსი შეიძინოს.“

მას ასევე ჰკითხეს ფინეთისა და შვედეთის ნატოში წევრობისთვის განაცხადების შესახებ.

კომუნიკაციების დირექტორმა თქვა, რომ მათ სურდათ ენახათ, დაიკავა თუ არა ამ ორმა სახელმწიფო გულწრფელი პოზიცია თურქეთის უსაფრთხოებასთან დაკავშირებით.